تلخيص بودكاست سمعته عن اهم ١٠ نفاط للنجاح في روتيشن الطوارئ، نصائح موجهة للانترنز، الرزدنتس و الطلاب… و اي طبيب في الطوارئ بصفة عامة.. بسم الله-
اعرف اسامي الممرضات، و اشكرهم دائما. ما يضرك ان تسأل ايش اسمك وتنادي الممرضة به بدال قولتك my dear.. لانها اكثر مهنية.
لا تغامر و تحاول انك تعالج مريض حالته غير مستقرة لوحدك وفوق مستوى خبرتك.. اذا كنت جونيور و حسيت ان المريض بدأ يتعب زيادة، وقف و اطلب المساعدة.. محد كبير ع طلب المساعدة.. محد كبير ع العلم.. اهم شي هو صحة وسلامة المريض.
لا تحكم ع المريض.. المريض الي يجي بعد محاولة الانتحار الخامسة مثلا.. تراك ما تعرف ظروفه.. اوكي يضايقك مثلا (انت انسان، عادي) لن احتفظ بمشاعرك لنفسك، المريض ماله دخل فيها.. معاملتك للمريض لازم تكون قمة بالمهنية. وبدون اي احكام مسبقة No Judgement
ترى محد قرر اليوم انه يقوم من النوم ويجي الطوارئ عشان يضايقك.. حتى لو حسيت ان الشكوى ‘سخيفة’ او ما ‘تستاهل الطوارئ’ عادة لها اسباب اخرى غير الظاهر.. البنت الي دايم تجي للطوارئ عشان صداع ممكن تكون معنفة، الشايب الي يجي يشتكي من يده، يمكن عنده اكتئاب.. اسأل وتقصى.
غالبا محد يتوقع منك انك تعرف كل شي خصوصا باول الايام (واجبنا نعلمك اصلا)، لكن توقعي منك انك تكون مهني، و تشتغل باخلاص و جهد. ما ابي منك علم اذا انت ما تحترم الوقت، ما ابي منك علم اذا ما اقدر اعتمد عليك.. فيه صفات توضح لي شغفك للتعليم وهذي اهم من معلوماتك الي تملكها.
لا تكذب. لا تكذب. لا تكذب. لا تكذب. اذا تم سؤالك عن شي وانت ماسويته، قل اسف ما سويته، نسيت- عادي. انت انسان. بس لا تقول سويت وانت ما سويت.. لان الزمن بيكشفك.. و الثقة فيك راح تروح وصعب تكسبها من فريقك من جديد.
بعد كل شفت، اقرأ عن مريض واحد ع الاقل. تخيل نفسك بعد كل هالشفتات وكل هالقراءة وش كمية المعلومات الي بتكسبها.. و مهم دايما انك تسأل اسئلة اثناء الشفت.. فيه شي ما عرفته؟ لا تستحي.. اسأل و احرص ع تعليمك.. اذا ما سألت الكل بيحسبك فاهم، مو عيب تسأل.. ترى مافيه ‘سؤال غبي’.
لا تصير arrogant .. او متكبر او مغرور.. هذي غالبا صفات الي يحسب نفسه ختم العلم وهذي صفة مذمومة جدا. خليك متواضع و تأكد انك كلما تعلمت كلما زاد تواضعك لانك تبدا تحس انك ما تعرف كل شي.
احرص انك تنتبه لنفسك و صحتك، اشرب مويه، اشرب قهوة، اذا جوعان، خذ بريك وكل لقمة.. انتبه لصحتك انت- مرضاك يحتاجون طبيب صحته كويسة. طبعا الاستئذان واجب من مسؤولك في الشفت و محد عنده مانع في اغلب الاوضاع.
استشعر عظمة عملك ك طبيب طوارئ، استشعر ان الناس جت عندك انت في اسوأ ايام حياتها في اغلب الحالات. وقل الحمدلله. عاملهم ك ما ان تحب ان يعامل الطبيب احد من اهلك الغاليين.
هذي النصائح باختصار، اتفق معها شخصيا كلها و اراها مهمة… طلابنا، و الانترنتز و الروتيتورز- اتمنى انكم تنبسطون معنا في الطوارئ. بالتوفيق.
المصدر
استشاري طوارئ، استاذ مساعد في طب الطوارئ.
استشاري طوارئ، استاذ مساعد في طب الطوارئ.