طريقة أخذ الهستوري والعمل في روتيشن طب الطوارئ

أولاً

لازم تكون جزء من الفريق الطبي، تكلم مع الاستشاري في البداية عن طريقة عملك- هل ممكن تشتغل independently حالك حال رزدنت، مع مين ممكن تناقش الحالات..؟ مع الاستشاري ع طول؟ ولا مع الرزدنت؟ ولا بس تساعد الرزدنت بدون ما تمسك حالة لحالك

كل شفت لها ديناميك معين تختلف من شفت لشفت و من مكان لمكان (ريسس، و اكيوت كير مثلا).

ثانيا

ان دخلت على المريض وكان المريض تعبان (حالته غير مستقرة)، لا تاخذ هستوري ولا شي- اطلع ونادي الاستشاري او السينير رزدنت.. سلامة المريض فوق كل اعتبار.. و هذي تحتسب لك وليست عليك

وان كان المريض حالته مستقرة لكن ما كان تقييمك دقيق بان حالته خطيرة.

History Taking | دليلك للتميز في أخذ التاريخ المرضي

ثالثاً

تاكد من تحميل اب بسيط مثل ER res او palmEM يساعدك تنظم افكارك شوي و يعطيك خطة علاجية للمرض او المشكلة. انت تتعلم ويبين شكلك ممتاز قدام السنير و الاستشاري.

رابعاً

ابدا سؤالك للمريض ب ‘كيف اقدر اساعدك اليوم’ او ‘وش اللي خلاك تجينا اليوم للطوارئ’ .. وخل المريض يتكلم. مشكلتنا ك اطباء اننا نقاطع مرضانا خلال ١١ ثانية من بداية كلامهم.. صدقني- راح يعلمونك وش فيهم اذا خليتهم يتكلمون. هل فيه مرضى ثرثارين وممكن يضيعونك؟ فيه – لكن اعرف ان اغلب المرضى يقولون لك مشكلتهم الاساسية (وغالبا الحل) اذا تركتهم يتكلمون براحة اول دقيقة ع الاقل. بعدها ابدا خذ التفاصيل بالطريقة المناسبة وحاول تكوّن قصة كيف صار المرض و تفهمه وتفهم الاعراض عشان تقدم الحالة.

خامساً

تقديم الحالة للاستشاري او الرزدنت هي فن- وكلنا نتعلمه ونحسنه كل يوم – محد مننا برفكت- و فرصتك لمن تغلط هي فرصة ممتازة للتعلم. لا تترجم اللي قاله المريض لك باللغة الانجليزية وبس- لا، كون قصة تبين كيف المريض تعرض لهذا المرض وكيف بدات اعراضه و هكذا..

مثال/ Start with age and gender, a quick background hx of medical and surgical issues, eg. DM, HTN, IHD, CABG Presented with chest pain وتبدا تعطي التفاصيل عن الchest pain و تتكلم عن الimportant negatives وهذا يساعدك تكون لستة differential diagnosis بسيطة. بعدها تبدا بالexam وتقول الاشياء الpositive و اذا كل شي normal قل ان الexam كان unremarkable .. التفاصيل قليلة في هستوري الطوارئ- لاننا نركز ع الحالة اللي جابت المريض للطوارئ اليوم فقط.

سادساً

وحدة من الاشياء اللي ودي تنتبهون لها هي اذا كان المريض يشتكي من صداع مثلا مدته ٣ شهور ويجي الطوارئ، اسألوه وش اللي صبره ٣ شهور وخلاه اليوم بالذات يجي – هذي تعطيك دليل ان فيه تطور في حالته او ان عنده تشخيص معين و يبي رأي اخر مثلا..

سابعاً

لمن تقدم الهستوري، وتخلص اعطي لستة الدفرنشال المناسبة، و المناجمنت اللي ودك فيها و تناقش بها مع الاستشاري او الرزدنت و خذها فرصة للتعلم. بعدها ان قررتوا خطة العلاج، رح للمريض و قله بنسوي لك كذا و كذا عشان يكون معنا بنفس الخط، و خبر التمريض كذلك.. من حقهم يعرفون لانهم عضو مهم بالفريق الطبي… بعدها دايم شيك ع مريضك، عقب علاجك، هل تحسن؟ هل ساءت اموره؟ ما تغير شي.. الfollow up هذي تبين انك طبيب ماخذ شغلك سيريس و منه تتعلم و تزيد رضى مريضك عن الخدمة المقدمة له.

كيف تكتب التقرير اليومي Progress Note كطالب طب وطبيب امتياز؟

ثامناً

ان كتبنا للمريض خروج، اعرف ايش هي الinstructions اللي بنقولها للمريض قبل الخروج وكيف بياخذ وصفته ومتى ممكن يتوقع التحسن ومتى بيرجع للطوارئ- كل حالة لها تعليمات معينة و بتعرفها وانت تشتغل معنا ان شاء الله.

تاسعاً

ان قررنا للمريض تحويل لتخصص اخر، ف تقدم الحالة مثل ما قدمتها للاستشاري في البداية و تزيد عليها ليش تبي التخصص هذا يشوفون مريضك (هل يحتاج موعد مع الاعصاب؟ هل تظن ان عنده جلطة ويحتاج قسطرة؟ هل تظن عنده التهاب شديد يحتاج تنويم) وهكذا. لازم تعرف ليش الحالة تتحول و بعدها تخبر مريضك بالخطة حقتنا و تخبر التمريض بذلك. ان تمت معاينة مريضك من قبل الفريق الطبي المُستشار، انا اشوف انه امر مستحسن انك تكون معهم تتعلم منهم وتساعدهم ب اي معلومة ممكن يحتاجونها.. وتعرف ايش خطتهم عشان تخبر بها الرزدنت او الاستشاري.

عاشراً

لا يفضل انك تاخذ اكثر من ٣ حالات تكون active معك بنفس الوقت، لأن نوعية الخدمة ممكن تقل، الا اذا كان الوضع يسمح بذلك و الاستشاري شاف انه عادي. دايما قدم نفسك للمريض انك فلان، طبيب امتياز، للمريض و التمريض – عشان يعرفون انت مين

الكلام ممكن يكون مكرر، و معروف ولا هو غريب عليك، لكن ابي اجمعه لترتيب الافكار لا اكثر. اتمنى انك تنبسط معنا في الطوارئ و تتعلم! و بالتوفيق!

طب الطوارئ وقصتي مع أول مريض لي!

هل تخصص طب الطوارئ مناسب لي؟